சென்னையில் ஆபரணத் தங்கத்தின் விலை இன்று செவ்வாய்கிழமை கிராமுக்கு ரூ. 20 உயர்ந்து ரூ.7,000-க்கும், சவரனுக்கு ரூ. 160 உயர்ந்து ரூ. 56,000-க்கும் விற்பனை செய்யப்படுகிறது.

சென்னையில் இந்த மாத தொடக்கத்தில் (செப்.1) தங்கம் விலை கிராம் ரூ.6,695-க்கும், சவரன் ரூ.53,560-க்கும் விற்பனையானது. தொடா்ந்து தங்கம் விலை ஏற்ற, இறக்கங்களை சந்தித்து வந்த நிலையில், கடந்த செப்.20-இல் கிராமுக்கு ரூ.60 உயர்ந்து ரூ.6,885-க்கும், சவரனுக்கு ரூ.480 உயர்ந்து ரூ.55,080-க்கும் விற்பனையானது.

செப்.21-இல் கிராமுக்கு ரூ.75 உயர்ந்து ரூ.6,960-க்கும், சவரனுக்கு ரூ.600 உயர்ந்து ரூ.55,680-க்கும் விற்பனையாகி தங்கம் விலை புதிய உச்சத்தை தொட்டது.

இதையும் படிக்க: சென்னையில் நள்ளிரவில் கொட்டித் தீர்த்த கனமழை!

இந்த நிலையில், சென்னையில் ஆபரணத் தங்கத்தின் விலை இன்று புதிய உச்சமாக ரூ. 56,000-க்கு விற்பனையாகிறது.

வெள்ளிவிலையில் எவ்வித மாற்றமுமின்றி கிராம் ரூ.98-க்கும், ஒரு கிலோ (கட்டி வெள்ளி) ரூ.98,000-க்கும் விற்பனையானது.

கடந்த 5 நாள்களில் மட்டும் தங்கம் கிராமுக்கு ரூ.175-ம், சவரனுக்கு ரூ.1,400-ம் விலை உயர்ந்துள்ளது குறிப்பிடத்தக்கது.