முதல்வர் ஸ்டாலின் தலைமையில் பிப். 10 ஆம் தேதி தமிழகக் அமைச்சரவை கூட்டம் நடைபெறவுள்ளது.

சென்னை தலைமைச் செயலகத்தில் பிப்.10 ஆம் தேதி 11 மணியளவில் அமைச்சரவை கூட்டம் நடைபெறுகிறது. இக்கூட்டத்தில் தமிழக பட்ஜெட் கூட்டத்தொடரை நடத்துவது விவாதிக்கப்படவுள்ளது.

தமிழக நிதிநிலை தாக்கல் செய்யப்படும் தேதியை இறுதி செய்யும் நடவடிக்கையில் தமிழக அரசு ஈடுப்பட்டு வருகிறது. மேலும், பட்ஜெட் கூட்டத்தொடரில் முக்கிய திட்டங்களுக்கு ஒப்புதல் அளிக்க வாய்ப்புள்ளதாகக் கூறப்படுகிறது.

இதையும் படிக்க: பட்ஜெட்டில் தமிழ்நாட்டுக்கு அநீதி: பிப். 8-ல் திமுக கண்டன பொதுக் கூட்டம்!

இந்தாண்டின் முதல் தமிழக சட்டப்பேரவைக் கூட்டம் ஜன. 6-ல் கூடியது. இந்த கூட்டத்தொடரில் தமிழ்த்தாய் வாழ்த்து இசைக்கப்பட்டவுடன் தேசிய கீதம் இசைக்கப்படவில்லை என்பதால் ஆளுநர் வெளியேறினார்.

தொடர்ந்து, ஜன. 11 ஆம் தேதி வரை நடைபெற்ற கூட்டத்தொடர் பின்னர் ஒத்திவைக்கப்பட்டது.