சென்னை: சென்னையில் ஆபரணத் தங்கத்தின் விலை கிராமுக்கு ரூ.15 உயர்ந்து ரூ.7,945-க்கும், பவுனுக்கு ரூ.120 உயர்ந்து ரூ.63,560-க்கும் விற்பனையாகிறது.

சென்னையில் ஆபரண தங்கத்தின் விலை ஏற்ற இறக்கமாக இருந்து வரும் நிலையில், திங்கள்கிழமை பவுனுக்கு ரூ.680 குறைந்து ரூ.61,640-க்கு விற்பனையானது. செவ்வாய்க்கிழமை பவுனுக்கு ரூ.840 உயர்ந்து ரூ.62,480-க்கு விற்பனையானது. புதன்கிழமை கிராமுக்கு ரூ.95 உயர்ந்து ரூ.7,905-க்கும், பவுனுக்கு ரூ.760 உயர்ந்து ரூ.63,240-க்கும், வியாழக்கிழமை கிராமுக்கு ரூ.25 உயர்ந்து ரூ.7,930-க்கும், பவுனுக்கு ரூ.200 உயர்ந்து ரூ.63,440-க்கும், வெள்ளிக்கிழமை விலை மாற்றமின்றி கிராம் ரூ.7,930-க்கும், பவுன் ரூ.63,440-க்கு விற்பனையானது.

இந்த நிலையில், புதிய உச்சமாக சனிக்கிழமை கிராமுக்கு ரூ.15 உயர்ந்து ரூ.7,945-க்கும், பவுனுக்கு ரூ.120 உயர்ந்து ரூ.63,560-க்கும் விற்பனையாகிறது.

கடந்த ஐந்து நாள்களில் தங்கம் விலை பவுனுக்கு ரூ.1920 உயர்ந்துள்ளது.

வெள்ளி விலை நிலவரம்

வெள்ளி விலையில் மூன்றாவது நாளாக மாற்றமின்றி கிராம் ரூ.107-க்கும், கட்டி வெள்ளி ஒரு கிலோ ரூ.1,07,000-க்கு விற்பனையாகிறது.