நிலவுக்கு என்மேல் என்னடி கோபம் படத்தின் வெளியீட்டுத் தேதி மாற்றம்!

நிலவுக்கு என்மேல் என்னடி கோபம் படத்தின் வெளியீட்டுத் தேதி மாற்றப்பட்டுள்ளது.

நடிகர் தனுஷ் இயக்கத்தில் இன்றைய இளைஞர்களின் காதலைப் பேசும் படமாக நிலவுக்கு என்மேல் என்னடி கோபம் படம் உருவாகியுள்ளது.

இப்படத்தில் தனுஷின் சகோதரி மகன் பவிஷ் நாயகனாக அறிமுகமாகிறார். மேலும், அனிகா சுரேந்திரன், மாத்யூ தாமஸ், உள்ளிட்டோர் பிரதான கதாபாத்திரங்களில் நடித்துள்ளனர்.

இதையும் படிக்க: மாமன் பட முதல் பார்வை போஸ்டர்..! வெளியீட்டு மாதமும் அறிவிப்பு!

இந்தப் படத்தை ரெட் ஜெயண்ட்ஸ் மூவிஸ் வெளியிடுகிறது. ஜிவி பிரகாஷ் குமார் இப்படத்துக்கு இசையமைத்துள்ளார்.

நிலவுக்கு என்மேல் என்னடி கோபம் படத்தில் இடம்பெற்ற ’கோல்டன் ஸ்பாரோ’, ’காதல் ஃபெயில்’, ‘ஏடி’ ஆகிய பாடல்கள் வெளியாகி ரசிகர்கள் மத்தியில் கவனம் பெற்றது

இந்த நிலையில், இப்படம் வரும் பிப். 7 ஆம் தேதி திரைக்கு வரும் என்று அறிவிக்கப்பட்டிருந்த நிலையில், தற்போது பிப். 21 ஆம் தேதி வெளியாகும் என்று படக்குழுவினர் அறிவித்துள்ளனர்.

நடிகர் அஜித்தின் விடாமுயற்சி திரைப்படம் பிப். 6 ஆம் தேதி வெளியாகவுள்ளது குறிப்பிடத்தக்கது.