சென்னையில் ஆபரணத் தங்கத்தின் விலை செவ்வாய்க்கிழமை சவரனுக்கு ரூ.240 குறைந்து விற்பனையாகிறது.

ஆபரணத் தங்கத்தின் விலை கடந்த ஜன.24-இல் கிராமுக்கு ரூ.30 உயர்ந்து ரூ.7,555-க்கும், சவரனுக்கு ரூ.240 உயர்ந்து ரூ.60,440-க்கும் விற்பனையாகி புதிய உச்சத்தை தொட்டது.

அதைத்தொடர்ந்து, சனிக்கிழமை தங்கம் விலையில் எவ்வித மாற்றமுமின்றி கிராம் ரூ.7,555-க்கும், சவரன் ரூ.60,440-க்கும் விற்பனையானது.

வாரத் தொடக்க நாளான திங்கள்கிழமை கிராமுக்கு ரூ.15 குறைந்து ரூ.7,540-க்கும், சவரனுக்கு ரூ.120 குறைந்து ரூ.60,320-க்கும் விற்பனையானது.

இதையும் படிக்க: வட இந்தியாவில் கடுங்குளிர்: மக்கள் அவதி!

இந்த நிலையில், சென்னையில் ஆபரணத் தங்கத்தின் விலை சவரனுக்கு ரூ. 240 குறைந்து ரூ. 60,080-க்கும் கிராமுக்கு ரூ. 30 குறைந்து ரூ. 7,510-க்கும் விற்பனை செய்யப்படுகிறது.

வெள்ளி விலையும் எவ்வித மாற்றமுமின்றி ஒரு கிராம் ரூ.104-க்கும், கட்டி வெள்ளி (ஒரு கிலோ) ரூ.1,04,000-க்கும் விற்பனையாகிறது.