பயாஸ்கோப் படத்தின் ஓடிடி வெளியீட்டுத் தேதி அறிவிக்கப்பட்டுள்ளது.

வெங்காயம், நெடும்பா, ஒன் ஆகிய படங்களை இயக்கிய சங்ககிரி ராச்குமார் பயோஸ்கோப் படத்தை இயக்கியுள்ளார்.

சந்திர சூர்யன், பிரபு, பெரியசாமி ஆகியோர் இணைந்து தயாரித்துள்ள இந்தப் படத்தில் மாணிக்கம், வேலம்மாள், முத்தையா உடன் சேரன், சத்யராஜ் சிறப்புத் தோற்றத்தில் நடித்துள்ளார்கள்.

இதையும் படிக்க: ஸ்ருதிஹாசன் பிறந்த நாள்: டிரெயின் படத்தின் சிறப்பு விடியோ!

'வெங்காயம்' படம் உருவான கதையை ஆவணப்படமாக எடுக்க வேண்டும் என்று இயக்குநர் மிஷ்கின் உள்ளிட்ட பலர் தெரிவித்திருந்தனர். அதன் விளைவாக 'பயாஸ்கோப்' படத்தை உருவாக்கி இருப்பதாக சங்ககிரி ராச்குமார் முன்னதாக தெரிவித்திருந்தார்.

இப்படம் கடந்த ஜன. 3-ல் திரையரங்குகளில் வெளியாகி ரசிகர்கள் மத்தியில் கலவை விமர்சனங்களைப் பெற்றது.

இந்த நிலையில், பயாஸ்கோப் திரைப்படம் வரும் ஜன. 31 ஆம் தேதி ஆஹா தமிழ் ஓடிடி தளத்தில் வெளியாகிறது.