ஆண்ட்வெர்ப்[பெல்ஜியம்] : ஐரோப்பாவில் நடைபெற்றுவரும் ஹாக்கி புரோ லீக் தொடரில் பெல்ஜியம் அணிக்கு எதிரான ஆட்டத்தில் இந்திய மகளிர் அணி 1 - 5 என்ற புள்ளிக்கணக்கில் இன்று (ஜூன் 21) தோல்வி அடைந்தது.

இந்திய அணியில் தீபிகா ஒரு கோல் அடித்து ஆறுதல் அளித்தார். ஆட்டத்தின் முதல் பாதியில் தீபிகாவின் ஒரு கோலால் இந்தியா 1 - 0 என்ற கணக்கில் முன்னிலை வகித்தது.

எனினும், இரண்டாம் பாதியில், பெல்ஜியம் கடுமையாகப் போராடி இந்திய அணியை திணறடித்தது. 37’, 41’, 54’, 55’, 58’ என அடுத்தடுத்து பெல்ஜியம் கோல் மழை பொழியவே இந்திய வீராங்கனைகள் அவற்றைத் தடுக்க திணறினர். இறுதியில் 1 - 5 என்ற கணக்கில் தோல்வியடைந்தது இந்தியா.

தோல்வி குறித்து பேசிய இந்திய அணியின் கேப்டன் சலீமா, நாளை நடைபெறும் ஆட்டத்தில் தவறுகளை திருத்திக்கொண்டு ஒரு அணியாகப் போராடுவோம் என்று தெரிவித்துள்ளார்.