சோனி டி.வியின் டான்ஸ் ரியலிட்டி ஷோ ‘சூப்பர் டான்ஸர்’இதில் ஷில்பா ஷெட்டி, டைரக்டர் அனுராக் காஷ்யப், கொரியோகிராபர் கீதா கபூர் உள்ளிட்டோர் நடுவர்களாகப் பங்கேற்று வருகின்றனர். வரப்போகும் குழந்தைகள் தினவிழா கொண்டாட்டத்தை முன்னிட்டு இந்த நிகழ்ச்சியின் ஸ்பெஷல் எபிசோட் திட்டமிடப்பட்டிருக்கிறது, அதில் ஷில்பாவின் 4 வயது மகன் வியான் நடனமாடவிருக்கிறாராம். இதைப் பற்றி ஷில்பா நிருபர்களிடம் பகிர்ந்து கொண்ட செய்தி, தான் ஒரு நடிகை, மேடையோ, டி.வி, ரியாலிட்டி ஷோ நடன நிகழ்ச்சிகளோ தனக்குப் புதிதில்லை என்றாலும் தனது மகன் முதல் முறையாக மேடையில் நடனமாடப் போவதை நினைக்கும் போது சாதாரணமாக மற்ற அம்மாக்களைப் போலவே தனக்கும் மிகுந்த பரபரப்பும், உற்சாகமும் தொற்றிக் கொள்வதாகவே உணர்வதாக தெரிவித்திருக்கிறார்.