புதிய அம்சங்களையும், தொழிநுட்ப வசதிகளையும் அறிமுகப்படுத்தும் வாட்ஸ்ஆப் செயலி அடுத்தகட்டமாக  2 ஜிபி வரையிலான கோப்புகளை அனுப்பும் வசதியை அறிமுகப்படுத்த உள்ளது.

இன்றைய காலத்தில், வாட்ஸ்ஆப் செயலியில் கோப்புகளை(files) அனுப்புவது தவிர்க்க முடியாததாக  உள்ளது. புகைப்படங்கள், விடியோக்கள், பிடிஎஃப் கோப்புகள் போன்றவை அதிகம் பரிமாறப்படுகிறது.

இதையும் படிக்க: வாட்ஸ்ஆப்பில் புதிய சேவைகள்!

இருப்பினும்,  கடந்த 2017 ஆம் ஆண்டு முதல் தற்போது வரை 100 எம்பி அளவுள்ள கோப்பு மட்டுமே வாட்ஸ்ஆப்பில் பகிரமுடியும் என்கிற நிலையே நீடிக்கிறது.

இந்நிலையில், விரைவில் இனி ஒரே நேரத்தில் 2 ஜிபி அளவிலான பெரிய கோப்பை  அனுப்பும் வசதியை அறிமுகப்படுத்த உள்ளதாக வாட்ஸ்ஆப் நிறுவனம் தெரிவித்துள்ளது.

மேலும், முதல்கட்டமாக இந்த வசதியை அர்ஜென்டினாவில் சோதனை முயற்சியாக செய்தபின், அனைத்து பயனாளர்களுக்கும் அறிமுகமாகும் என தெரிவிக்கப்பட்டுள்ளது.