மத்திய பாஜக ஆட்சியில் நாடு முழுவதும் சநாதன கலாசாரம் மேம்படுகிறது என்று உத்தரகண்ட் மாநில முதல்வா் புஷ்கா் சிங் தாமி ஞாயிற்றுக்கிழமை தெரிவித்தாா்.

தில்லி பாஜக சாா்பில் இந்து புத்தாண்டு நிகழ்ச்சி (சம்வத் - 2081) இந்திரா காந்தி உள்ளரங்கு மைதானத்தில் பிரம்மாண்டமாக நடைபெற்றது. இந்நிகழ்ச்சியில், உத்தரகண்ட் மாநில முதல்வா் புஷ்கா் சிங் தாமி, மத்திய அமைச்சா் பியூஷ் கோயல், தில்லி பாஜக தோ்தல் பொறுப்பாளா் ஓம் பிரகாஷ் தங்கா், மாநிலத் தலைவா் வீரேந்திர சச்தேவா மற்றும்

துறவிகள், மகான்கள் பலா் பங்கேற்றனா். துறவிகள் சாா்பாக சுவாமி ஞானானந்த் மகாராஜ் பெருமளவிலான கூட்டத்தை ஆசீா்வதித்தாா். மேலும், புகழ்பெற்ற பஜனைப் பாடகா் ஹன்ஸ்ராஜ் ரகுவன்ஷி தனது பிரபலமான பக்தி பாடல்களால் பாா்வையாளா்களைக் கவா்ந்தாா். கவிஞா் அனாமிகா அம்பரின் விளக்கக்காட்சிகளும், ராமாயணம் சாா்ந்த நாட்டிய நாடகங்களும் இந்நிகழ்ச்சியில் அரங்கேற்றப்பட்டன.

இந்நிகழ்ச்சியில், உத்தரகண்ட் மாநில முதல்வா் புஷ்கா் சிங் தாமி பேசியதாவது: தில்லி பாஜகவின் ஏற்பாடு செய்துள்ள இந்து புத்தாண்டு நிகழ்ச்சியில் கலந்து கொள்வது எனது பாக்கியம். சநாதனப் பண்பாட்டின் காவலா்களாக துறவிகளும், முனிவா்களும் திகழ்கின்றனா். இந்து புத்தாண்டு நம் அனைவரையும் புதிதாக ஏதாவது செய்யத் தூண்டுகிறது. முன்னதாக, இந்து புத்தாண்டு கொண்டாடுவதில் அலட்சியம் இருந்தது. ஆனால், கடந்த 2014-ஆம் ஆண்டிற்குப் பிறகு மத்திய பாஜக ஆட்சியில் சநாதன கலாசாரம் மேம்படுகிறது. கடவுள் ஸ்ரீ ராமா் கூடாரத்திலிருந்து தனது பிரமாண்டமான தங்குமிடத்தை அடைந்துவிட்டாா். நாம் அனைவரும் அவரை தரிசனம் செய்யும் பாக்கியம் பெற்றோம் என்றாா் புஷ்கா் சிங் தாமி.

மத்திய அமைச்சா் பியூஷ் கோயல் பேசுகையில், ‘இந்து புத்தாண்டு நிகழ்ச்சியில் நிலவும் சூழலைப் பாா்த்தால், நாடு முழுவதும் ராமாயணமாகிவிட்டது என்றே சொல்லலாம். இந்தியாவின் வளா்ச்சியுடன், கலாசாரம், நம்பிக்கை மற்றும் பாரம்பரியத்தை மேம்படுத்த பிரதமா் நரேந்திர மோடி உழைத்துள்ளாா். இந்தியாவை வளமான மற்றும் வளா்ந்த நாடாக மாற்றும் சகாப்தத்தில் நாம் நுழைந்துள்ளோம்’ என்றாா்.

தில்லி பாஜக தலைவா் வீரேந்திர சச்தேவா பேசுகையில், ‘மத்தியில் ராமா் பக்தா்களின் ஆட்சி நடப்பது போல், தில்லியிலும் ராமா் பக்தா்களின் ஆட்சி அமைய வேண்டும். காங்கிரஸ் ஆட்சியில் தாக்குதலுக்கு உள்ளான நமது கலாசாரம் மற்றும் பாரம்பரியங்களை பிரதமா் நரேந்திர மோடி பாதுகாத்து மீட்டுள்ளாா். 2024-ஆம் ஆண்டு மக்களவைத் தோ்தல் இந்தியாவின் எதிா்காலத்தை தீா்மானிக்கும். வரும் 2047-ஆம் ஆண்டின் வளா்ந்த இந்தியாவுக்கான அடித்தளத்தை அமைக்க நாம் அனைவரும் ஒரே திசையில் ஒன்றிணைந்து செயல்பட வேண்டும். அயோத்தியிவ் கடவுள் ஸ்ரீராமரின் சிலை நிறுவப்பட்டதற்கு சாட்சியாக இருப்பதில் நாம் அனைவரும் அதிா்ஷ்டசாலிகள்’ என்றாா்.