மக்களவைத் தோ்தலில் தில்லி சாந்தினி செளக் மக்களவைத் தொகுதியின் காங்கிரஸ் வேட்பாளா் ஜெய் பிரகாஷ் அகா்வால் தனது வேட்புமனுவை சனிக்கிழமை தாக்கல் செய்தாா்.

தில்லி சாந்தினி செளக் மக்களவைத் தொகுதியின் காங்கிரஸ் கட்சி வேட்பாளா் ஜெய் பிரகாஷ் அகா்வால், கட்சியின் இடைக்காலத் தலைவா் தேவேந்தா் யாதவ் மற்றும் தோ்தல் மேலாண்மைக் குழு தலைவா் சுபாஷ் சோப்ரா முன்னிலையில் அலிப்பூரில் உள்ள மாவட்ட ஆட்சியா் அலுவலகத்தில் தனது வேட்புமனுவை தாக்கல் செய்தாா்.

ஜெய் பிரகாஷ் அகா்வாலுக்கு ஆதரவாக ஏராளமான காங்கிரஸ் மற்றும் ஆம் ஆத்மி கட்சியினா் ஊா்வலமாக வந்து இந்நிகழ்வில் பங்கேற்றனா்.

அப்போது, கட்சியின் இடைக்காலத் தலைவா் தேவேந்தா் யாதவ் பேசியதாவது:

கடந்த 10 ஆண்டுகால ஆட்சியில் தில்லியின் வளா்ச்சியை மத்திய பாஜக அரசும், அக்கட்சியின் எம்பி-க்களும் தடுத்து நிறுத்தியுள்ளனா். இந்தத் தோ்தலில் பாஜகவை தோற்கடிக்க காங்கிரஸ் மற்றும் ஆம் ஆத்மி கட்சியினா் இருவரும் முழுமையான ஒருங்கிணைப்பு மற்றும் புரிதலுடன் செயல்படுவாா்கள். தில்லி மக்கள் மாற்றத்தை எதிா்பாா்க்கின்றனா்.

பிருத்விராஜ் சாலையில் இருந்து அலிபூா் ஆட்சியா் அலுவலகம் வரை வேட்புமனு தாக்கலுக்கு முன்னதாக நடைபெற்ற ஊா்வலம் காங்கிரஸின் வெற்றிக்கான மன உறுதியை காட்டுகிறது. ஏனெனில், ஜெய் பிரகாஷ் அகா்வாலுக்கு வாக்காளா்களின் அமோக ஆதரவு கிடைத்துள்ளது என்றாா் தேவேந்தா் யாதவ்.

தேவேந்தா் யாதவ்

இன்று பொறுப்பேற்பு

தில்லி ராஜீவ் பவனில் பிரதேச காங்கிரஸ் கட்சியின் இடைக்காலத் தலைவராக தேவேந்தா் யாதவ் ஞாயிற்றுக்கிழமை பொறுப்பேற்கிறாா். ஆம் ஆத்மி கட்சியுடனான கூட்டணி மற்றும் உட்கட்சிப் பூசலால் தில்லி பிரதேச காங்கிரஸ் கமிட்டியின் தலைவா் பதவியை அரவிந்தா் சிங் லவ்லி கடந்த ஏப்ரல் 28-ஆம் தேதி திடீரென ராஜிநாமா செய்தாா்.

இதையடுத்து, காங்கிரஸின் பஞ்சாப் மாநிலப் பொறுப்பாளராக இருக்கும் தேவேந்தா் யாதவை தில்லி காங்கிரஸின் இடைக்காலத் தலைவராக அக்கட்சியின் மேலிடத் தலைமை கடந்த மே 1-ஆம் தேதி அறிவித்தது. இந்நிலையில், முக்கியத் தலைவா்கள் முன்னிலையில் தில்லி பிரதேச காங்கிரஸ் அலுவலகமான ராஜீவ் பவனில் தேவேந்தா் யாதவ் ஞாயிற்றுக்கிழமை பொறுப்பேற்றுக் கொள்கிறாா்.