கண் சரியாக தெரியவில்லை, கண் சம்பந்தப்பட்ட பிரச்னைக்கு ஏதேனும் பரிகாரம் உண்டா? என்று கேட்பவருக்கு நிச்சயம் உண்டு என்று சொல்கிறார் தினமணி ஜோதிடர் பெருங்குளம் ராமகிருஷ்ணன். 

ஜோதிடத்தில் கண்களுக்கு உரிய காரக கிரகம் சூரியன். ஜாதகத்தில் சூரியன் வலுவிழந்தாலோ அல்லது கெட்டுப் போய் இருந்தாலோ கண்கள் சம்பந்தமான பிரச்னைகள் ஏற்படலாம்.

உடற்சூட்டினாலும், அதிக நேரம் கண்களுக்கு வேலைக் கொடுப்பதினாலும், துவர்ப்புச் சத்து சாப்பாட்டில் இல்லாமற் போனாலும் கண்களில் பிரச்னை ஏற்படலாம்.

கண் சம்பந்தப்பட்ட பிரச்னைக்கு பரிகாரம்

• புதன் மற்றும்  சனிக்கிழமைகளில் எண்ணைத் தேய்த்து குளிப்பது சிறந்த பரிகாரமாகும். 

• தினமும் சூரிய நமஸ்காரம் செய்வது நன்மை தரும். இந்தப் பரிகாரம் மிகப் பெரிய மாற்றத்தை நமக்குத் தரும்.

• அடிக்கடி சிவன் மற்றும் நரசிம்மர் ஆலயங்களுக்குச் சென்று வருவதும் மிகப் பெரிய பரிகாரம்.

• கண் பார்வை கூர்மையாவதற்கும், மிகச் சிறந்த பார்வை சக்தி பெறுவதற்கும் சூரிய நமஸ்காரம் செய்வது நல்லது.