மகாலிங்கபுரம் ஸ்ரீ ஐயப்பன் - ஸ்ரீ குருவாயூரப்பன் கோயிலில் வெள்ளிக்கிழமை சபரிமலை தந்திரி பிரம்மஸ்ரீ மகேஷ் மோகனரு தலைமையில் 1,008 சகஸ்ர கலச பூஜை நடைபெறுகிறது.

8-ஆம் தேதி (வெள்ளிக்கிழமை) காலை 4.45 மணிக்கு மஹாகணபதி ஹோமமும், 6.30 மணிக்கு கலச பூஜையும், மாலை 6 மணிக்கு சகஸ்ரகலா (1,008) பூஜையும் தொடங்குகின்றன. தொடா்ந்து 9- ஆம் தேதி (சனிக்கிழமை) காலை 4.45 மணிக்கு மஹா கணபதி ஹோமமும், 8.30 மணியளவில் ஸ்ரீ ஐயப்பனுக்கு சகஸ்ர (1,008) கலசங்களில் பூஜிக்கப்பட்ட புனித நீரால் அபிஷேகம் நடைபெறுகின்றன.

ஸ்ரீ குருவாயூரப்பனுக்கு மாலை 5.30 மணிக்கு சகஸ்ர (1,008) கலச பூஜையும், 10-ஆம் தேதி ஞாயிற்றுக்கிழமை காலை மஹா கணபதி ஹோமமும் நடைபெறுகின்றன. 8.30 மணியளவில் ஸ்ரீ குருவாயூரப்பனுக்கு சகஸ்ர (1,008) கலசங்களில் பூஜிக்கப்பட்ட புனித நீரால் அபிஷேகம் செய்யப்படுகிறது.