தென்காசி காசி விஸ்வநாதர் சுவாமி கோயிலில் கும்பாபிஷேகம் இன்று கோலாகலமாக நடந்தேறியது.

பிரசித்தி பெற்ற பழமையான காசி விஸ்வநாதர் கோயிலில் 19 ஆண்டுகளுக்குப் பிறகு இன்று மகா கும்பாபிஷேகம் வெகு விமரிசையாக நடைபெற்றது. கடந்த 30-ம் ததி யாகசாலை பூஜைகளுடன் கும்பாபிஷேக விழா தொடங்கியது. விழா நாள்களில் தினமும் சுவாமி அம்பாளுக்கு சிறப்பு அபிஷேக ஆராதனைகள் நடைபெற்றது.

விழாவின் முக்கிய நாளான இன்று அதிகாலை 3 மணிக்கு விக்னேஷ்வார பூஜையுடன் ஆறாம் கால யாகசாலை பூஜை நடைபெற்றது. இதைத்தொடர்ந்து 5 மணிக்கு விநாயகர், பரிவார மூர்த்திகளுக்கும், 7 மணிக்கு மகா பூர்ணாகுதி நடைபெற்றது. 9 மணிக்கு மேல் உலகம்மாள் உடனுறை காசி விஸ்வநாதசுவாமி ராஜகோபுரங்கள், விமான கோபுரங்களுக்கு மகா கும்பாபிஷேகம் நடைபெற்றது.

இதையடுத்து மகாபிஷேகம், தீபாராதனை நடைபெற்றது. இதில் திரளானோர் கலந்துகொண்டு சுவாமி தரிசனம் செய்தனர்.