அமெரிக்காவில் நடைபெறும் சின்கியூஃபீல்ட் செஸ் போட்டியின் முதல் சுற்றில் இந்தியாவின் விஸ்வநாதன் ஆனந்த் தோல்வியடைந்துள்ளார்.

9 சுற்றுகள் உள்ள இந்தப் போட்டியில் 10 முன்னணி வீரர்கள் கலந்துகொள்கிறார்கள். முக்கியமாக உலகின் டாப் 7 வீரர்கள் இதில் பங்கேற்கிறார்கள். இந்த வருடத்தின் மிகவும் பலமான போட்டி என வர்ணிக்கப்படும் இந்த சின்கியூஃபீல்ட் செஸ் போட்டியின் முதல் சுற்றில் இந்தியாவின் விஸ்வநாதன் ஆனந்த் அமெரிக்காவின் நாகமுராவைச் சந்தித்தார்.

இதில் வெள்ளை நிறக் காய்களுடன் ஆடிய நாகமுரா 43-வது நகர்த்தலில் ஆனந்தைத் தோற்கடித்தார்.

மற்றொரு ஆட்டத்தில், டொபலோவ் உலக சாம்பியன் கார்ல்சனைத் தோற்கடித்தார். அரோனியன், அனிஷ் கிரி, மேக்ஸிம் வாச்சியர் லாக்ரே ஆகியோரும் முதல் சுற்றில் வெற்றி பெற்றார்கள்.