வாய்ப்பு கிடைக்கும்போதெல்லாம் விம்பிள்டன் போட்டியை நேரில் சென்று ரசிப்பார் சச்சின். இந்த வருடம் அவர் தன் மனைவியுடன் லண்டனுக்குச் சென்று போட்டிகளைப் பார்த்து வருகிறார்.

இந்த வருடம் விராட் கோலி - அனுஷ்கார் சர்மா ஜோடியும் விம்பிள்டன் போட்டியைப் பார்க்க வந்துள்ளது. நேற்று நடந்த ஆண்கள் அரையிறுதிப் போட்டியை சச்சின் - அஞ்சலி, கோலி - அனுஷ்கா சர்மா ஜோடிகள் ஒன்றாக அமர்ந்து பார்த்துள்ளார்கள். இவர்கள் நால்வரும் இணைந்து போட்டியை ரசித்த புகைப்படம், விம்பிள்டனின் அதிகாரபூர்வ ட்விட்டரில் பகிரப்பட்டது.

கோலி - அனுஷ்கா ஆகிய இருவரும் இப்போது விடுமுறையைக் கழித்து வருகிறார்கள். சமீபத்தில் தென் ஆப்பிரிக்கா சென்றார்கள். இப்போது லண்டன் வந்திருக்கிறார்கள்.