கிரிக்கெட் வீரர் அஸ்வினுக்கும் ப்ரீத்திக்கும் 2011-ல் திருமணம் நடந்தது. இப்போது இவர்களுக்குப் பெண் குழந்தை பிறந்துள்ளது. எங்க தேவதை அருமையாக இருக்கா என்று அஸ்வினின் மனைவி ப்ரீத்தி, குஷியாக ட்வீட் செய்துள்ளார்.

சென்ற வியாழன் அன்று சென்னை ஃபோர்டிஸ் மலர் மருத்துவமனையில் 3.1 கிலோ எடையுடன் கிரிக்கெட் வீரர் அஸ்வினுக்குப் பெண் குழந்தை பிறந்தது. உடனே சென்னை சூப்பர் கிங்ஸ் அணியின் ட்விட்டர் பக்கத்தில் அஸ்வினுக்கும் அவருடைய மனைவிக்கு வாழ்த்து தெரிவிக்கப்பட்டது. அடுத்ததாக தோனியின் மனைவி சாக்‌ஷி, அஸ்வினின் மனைவிக்கு வாழ்த்துகளைத் தெரிவித்தார்.

தற்போது நடக்கும் ஜிம்பாப்வே தொடரில் இருந்து ஓய்வு அளிக்கப்பட்டுள்ள அஸ்வின், அடுத்ததாக இலங்கையுடனான டெஸ்ட் தொடரில் பங்கேற்க உள்ளார்.