ஐபிஎல் போட்டியில் மும்பை இந்தியன்ஸுக்கு எதிரான ஆட்டத்தில் 7 விக்கெட்டுகள் வித்தியாசத்தில் வென்றது கிங்ஸ் லெவன் பஞ்சாப் அணி.
இந்த இரு அணிகளுக்கு இடையேயான ஆட்டம் விசாகப்பட்டினத்தில் வெள்ளிக்கிழமை நடைபெற்றது.
டாஸ் வென்று முதலில் பேட்டிங் செய்த மும்பை அணி, 20 ஓவர் முடிவில் 9 விக்கெட் இழப்புக்கு 124 ரன்கள் எடுத்தது. பஞ்சாப் அணி சார்பில், மார்கஸ் ஸ்டானிஸ் அதிகபட்சமாக 4 விக்கெட்டுகள் வீழ்த்தினார். சந்தீப் சர்மா, மோகித் சர்மா தலா 2 விக்கெட்டுகளும், அக்ஸர் படேல் ஒரு விக்கெட்டும் வீழ்த்தினர். அடுத்து ஆடிய பஞ்சாப் அணி 17 ஓவர்களில் 3 விக்கெட் இழப்புக்கு 127 ரன்கள் எடுத்து வென்றது. முரளி விஜய் 54 ரன்கள் எடுத்து ஆட்டமிழக்காமல் இருந்தார்.
இந்த வெற்றியால் கடைசி இடத்தில் இருந்த பஞ்சாப் அணி ஒரு படி முன்னேறி 7-ம் இடத்துக்கு நகர்ந்துள்ளது. இதனால் தோனி அணி கடைசி இடத்துக்குத் தள்ளப்பட்டுள்ளது.
புள்ளிகள் பட்டியல்
அணிகள் | போட்டிகள் | வெற்றி | தோல்வி | புள்ளிகள் | நெட் ரன்ரேட் |
|---|---|---|---|---|---|
ஹைதராபாத் | 11 | 7 | 4 | 14 | +0.417 |
குஜராத் | 11 | 7 | 4 | 14 | -0.138 |
டெல்லி | 10 | 6 | 4 | 12 | +0.376 |
கொல்கத்தா | 10 | 6 | 4 | 12 | +0.206 |
மும்பை | 12 | 6 | 6 | 12 | -0.435 |
பெங்களூர் | 10 | 4 | 6 | 8 | -0.041 |
பஞ்சாப் | 11 | 4 | 7 | 8 | -0.384 |
புணே | 11 | 3 | 8 | 6 | +0.087 |
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.