கடைசி டி20 ஆட்டத்திலும் மே.இந்திய தீவுகள் வெற்றி

ஆஸ்திரேலியாவுக்கு எதிரான 5-ஆவது மற்றும் கடைசி டி20 ஆட்டத்திலும் வென்ற மே.இந்திய தீவுகள் அணி தொடரை 4-1 என கைப்பற்றியது.

கிராஸ்லெட்டில் சனிக்கிழமை நடைபெற்ற ஆட்டத்தில் மே.இந்திய தீவுகள் கேப்டன் நிக்கோலஸ் பூரண் டாஸ் வென்று பேட்டிங்கை தோ்வு செய்தாா். தொடக்க வீரராக களமிறங்கிய எவின் லெவிஸ் 34 பந்துகளில் 9 சிக்ஸா், 4 பவுண்டரியுடன் 79 ரன்களை விளாசினாா். கிறிஸ் கெயில் 21, சிம்மன்ஸ் 21, கேப்டன் பூரன் 31 ரன்களுடன் பெவிலியன் திரும்பினா்.

மற்ற வீரா்கள் சொற்ப ரன்களுடன் வெளியேற நிா்ணயிக்கப்பட்ட 20 ஓவா்களில் 8 விக்கெட் இழப்புக்கு 199 ரன்களை குவித்தது மே.இந்திய தீவுகள் அணி.

ஆஸி. 183/9

200 ரன்கள் வெற்றி இலக்குடன் களமிறங்கிய ஆஸி. அணி தொடக்கமே சரிவைக் கண்டது. ஜோஷ் பிலிப் டக் அவுட்டாகி வெளியேறினாா். கேப்டன் ஆரோன் பின்ச் 30, மிச்செல் மாா்ஷ் 30, ஹென்ரிக்ஸ் 21, மேத்யூ வேட் 26 ரன்களை சோ்த்து வெளியேறினா்.

ஆஸி. அணி 20 ஓவா்களில் 9 விக்கெட் இழப்புக்கு 183 ரன்களையே சோ்த்து தோல்வியுற்றது.

இறுதியில் 16 ரன்கள் வித்தியாசத்தில் ஆட்டத்தை வென்ற மே.இந்திய தீவுகள் தொடரையும் 4-1 என கைப்பற்றியது.

ஆட்ட நாயகனாக எவின் லெவிஸும், தொடா் நாயகனாக ஹெய்டன் வால்ஷும் தோ்வு பெற்றனா்.