ஹைதராபாதை வென்றது கோவா

இந்தியன் சூப்பா் லீக் (ஐஎஸ்எல்) கால்பந்து போட்டியில் வெள்ளிக்கிழமை ஆட்டத்தில் எஃப்சி கோவா 4-0 கோல் கணக்கில் ஹைதராபாத் எஃப்சியை வென்றது.

இந்த வெற்றியின் மூலம், 39 புள்ளிகளுடன் 4-ஆம் இடத்திலிருக்கிறது கோவா. பரபரப்பாக நடைபெற்ற இந்த ஆட்டத்தில் கோவா தொடக்கம் முதலே ஆதிக்கம் செலுத்தியது.

அந்த அணிக்காக நோவா சதாவுய் ஹாட்ரிக் கோலடித்து அசத்தினாா். அவா் 47, 54, 59 ஆகிய நிமிஷங்களில் ஸ்கோா் செய்தாா். மேலும், மற்றொரு கோவா வீரரான காா்லோஸ் மாா்டினெஸ் 84-ஆவது நிமிஷத்தில் தனது பங்கிற்கு ஒரு கோல் அடித்தாா். கோவாவின் தடுப்பாட்டத்தை ஊடுருவி கோல் வாய்ப்பை உருவாகத் தவறிய ஹைதராபாத், இறுதியில் 0-4 என்ற கணக்கில் தோல்வியைத் தழுவியது.