இந்தியாவுக்கு பயணம் மேற்கொண்டுள்ள வங்கதேச அணியினர், 2 டெஸ்ட் ஆட்டங்கள், 3 டி20 ஆட்டங்கள் கொண்ட தொடரில் விளையாடுகின்றனர்.

இந்த நிலையில், சென்னையில் இன்று நடைபெறும் முதல் டெஸ்ட் போட்டிக்கான டாஸை வென்ற வங்கதேச கேப்டன் நஜ்முல் ஹொசைன் சாண்டோ பந்துவீச்சை தேர்வு செய்துள்ளார்.

இந்தியாவின் டாப் ஆர்டர்களான ரோஹித் (6), ஷுப்மன் கில் (0), விராட் கோலி (6) சொற்ப ரன்களுக்கு ஆட்டமிழந்தார்கள்.

அசத்தும் இளம் வங்கதேச வீரர்

இந்த 3 முக்கிய விக்கெட்டினையும் வங்கதேசத்தின் 24 வயதாகும் ஹாசன் மஹ்முத் எடுத்தது குறிப்பிடத்தக்கது.

இலங்கைக்கு எதிரான டெஸ்ட் தொடரில் அறிமுகமான ஹாசன் மஹ்முத் 3 டெஸ்ட்டில் 14 விக்கெட்டுகளை எடுத்து அசத்தியுள்ளார்.

தற்போது உணவு இடைவேளைவரை 23 ஓவர்களுக்கு இந்திய அணி 88/3 ரன்கள் எடுத்துள்ளது.

ஜெய்ஸ்வால் 37, ரிஷப் பந்த் 33 ரன்களுடன் விளையாடி வருகிறார்கள்.