8 போட்டிகளில் 5 சதங்கள்..! சாதனை படைத்த இலங்கை வீரர்!

நியூஸிலாந்துக்கு எதிரான 2-ஆவது டெஸ்ட்டில் முதல் இன்னிங்ஸை ஆடிவரும் இலங்கை, முதல்நாளான வியாழக்கிழமை முடிவில் 3 விக்கெட்டுகள் இழப்புக்கு 306 ரன்கள் சோ்த்தது.

தினேஷ் சண்டிமல் சதம் விளாசி ஸ்கோரை உயா்த்த, ஏஞ்ஜெலோ மேத்யூஸ், கமிண்டு மெண்டிஸ் அரைசதம் கடந்து விளையாடி வந்தார்கள்.

இரண்டாம் நாளான இன்று 131 ஓவர் முடிவில் 432/5 ரன்கள் எடுத்துள்ளது.

அதிவேக சதம்

இந்தப் போட்டியில் மேத்யூஸ் 88 ரன்களுக்கு ஆட்டமிழக்க கமிந்து மெண்டிஸ் சதம் அடித்து அசத்தலாக விளையாடி வருகிறார்.

8 போட்டிகளில் இது 5ஆவது சதம் என்பது குறிப்பிடத்தக்கது. குறைந்த போட்டிகளில் அதி வேகமாக 5 சதங்களை நிறைவு செய்த முதல் இலங்கை வீரர், முதல் ஆசிய வீரர் என்ற சாதனையை படைத்துள்ளார்.

இதற்கு முன்பு 22 இன்னிங்ஸில் பாகிஸ்தானைச் சேர்ந்த ஃபாவட் ஆலம் 5 சதங்கள் அடித்திருந்தார். தற்போது, கமிந்து மெண்டிஸ் 12 இன்னிங்ஸில் இதை நிறைவு செய்துள்ளார்.

டான் பிராட்மேனை சமன்செய்த கமிந்து மெண்டிஸ்

உலகப் புகழ்பெற்ற டான் பிராட்மேனும் 13 இன்னிங்ஸில் 5 சதங்கள் அடித்திருந்தார். அவரது சாதனையையும் 25 வயதாகும் கமிந்து மெண்டிஸ் சமன் செய்துள்ளார்.

அறிமுகமானதிலிருந்து தொடர்ச்சியாக 8 அரைசதம் அடித்து நேற்று (செப்.27) புதிய உலக சாதனை படைத்திருந்ததும் குறிப்பிடத்தக்கது.

இலங்கை கிரிக்கெட் அணிக்கும் உலக கிரிக்கெட் அணிக்கும் நல்ல கிரிக்கெட்டர் உருவாகி வருவது மகிழ்ச்சியளிப்பதாக வர்ணனையாளர்கள் புகழ்ந்து பேசி வருகிறார்கள்.