கேகேஆர் பேட்டிங்: பிளேயிங் லெவனில் இரண்டு மாற்றங்கள்; முதல் வெற்றி கிடைக்குமா?

ஐபிஎல் தொடரில் பஞ்சாப் கிங்ஸுக்கு எதிரான போட்டியில் டாஸ் வென்ற கொல்கத்தா நைட் ரைடர்ஸ் பேட்டிங்கைத் தேர்வு செய்துள்ளது.

ஐபிஎல் தொடரில் கொல்கத்தாவின் ஈடன் கார்டன்ஸ் திடலில் நடைபெறும் இன்றையப் போட்டியில் கொல்கத்தா நைட் ரைடர்ஸ் மற்றும் பஞ்சாப் கிங்ஸ் அணிகள் மோதுகின்றன.

இந்தப் போட்டியில் டாஸ் வென்ற கொல்கத்தா நைட் ரைடர்ஸ் அணியின் கேப்டன் அஜிங்க்யா ரஹானே பேட்டிங்கைத் தேர்வு செய்துள்ளார்.

கொல்கத்தா நைட் ரைடர்ஸ் அணியின் பிளேயிங் லெவனில் இரண்டு மாற்றங்கள் செய்யப்பட்டுள்ளன. வருண் சக்கரவர்த்தி மற்றும் சுனில் நரைன் இன்றையப் போட்டியில் விளையாடவில்லை. ரோவ்மன் பௌவல் மற்றும் நவ்தீப் சைனி பிளேயிங் லெவனில் இடம்பெற்றுள்ளனர். பஞ்சாப் கிங்ஸ் அணியின் பிளேயிங் லெவனில் மாற்றம் ஏதும் செய்யப்படவில்லை.

முதல் வெற்றியைப் பதிவு செய்யும் முனைப்புடன் கொல்கத்தா நைட் ரைடர்ஸ் அணி களமிறங்குகிறது.