சன்ரைசர்ஸ் ஹைதராபாத் பேட்ஸ்மேன் மணீஷ் பாண்டே ஐபிஎல் கிரிக்கெட்டில் 3,000 ரன்கள் என்ற புதிய மைல்கல்லை எட்டினார்.

13-வது ஐபிஎல் சீசனின் 26-வது ஆட்டத்தில் சன்ரைசர்ஸ் ஹைதராபாத், ராஜஸ்தான் ராயல்ஸ் அணிகள் விளையாடி வருகின்றன. இந்த ஆட்டத்தில் சிறப்பாக விளையாடிய மணீஷ் பாண்டே 3 சிக்ஸர்கள், 2 பவுண்டரிகள் உள்பட 54 ரன்கள் எடுத்தார்.

இதில் 9-வது ரன்னை எடுத்த அவர் ஐபிஎல் கிரிக்கெட்டில் 3,000 ரன்கள் என்ற புதிய மைல்கல்லை எட்டினார்.

ஐபிஎல் கிரிக்கெட்டில் 3,000 ரன்களைக் கடக்கும் 16-வது வீரர் மணீஷ் பாண்டே. 

ஐபிஎல் அதிக ரன்கள் எடுத்த வீரர்கள் வரிசையில் முதல் 4 இடங்களில் முறையே விராட் கோலி, சுரேஷ் ரெய்னா, ரோஹித் சர்மா மற்றும் டேவிட் வார்னர் ஆகியோர் உள்ளனர்.