ராஜஸ்தான் பேட்டிங்; வெற்றி பெற வேண்டிய கட்டாயத்தில் சிஎஸ்கே!

சென்னை சூப்பர் கிங்ஸுக்கு எதிரான போட்டியில் டாஸ் வென்ற ராஜஸ்தான் ராயல்ஸ் பேட்டிங்கைத் தேர்வு செய்துள்ளது.

ஐபிஎல் தொடரில் சென்னை சேப்பாக்கம் மைதானத்தில் நடைபெறும் இன்றையப் போட்டியில் சென்னை சூப்பர் கிங்ஸ் மற்றும் ராஜஸ்தான் ராயல்ஸ் அணிகள் மோதுகின்றன.

இந்தப் போட்டியில் டாஸ் வென்ற ராஜஸ்தான் ராயல்ஸ் அணியின் கேப்டன் சஞ்சு சாம்சன் பேட்டிங்கைத் தேர்வு செய்துள்ளார்.

ராஜஸ்தான் அணியில் துருவ் ஜூரெல் சேர்க்கப்பட்டுள்ளார். சென்னை சூப்பர் கிங்ஸில் மிட்செல் சாண்ட்னருக்குப் பதிலாக மஹீஷ் தீக்‌ஷனா அணியில் சேர்க்கப்பட்டுள்ளார்.

இதுவரை சிஎஸ்கே அணி 12 போட்டிகளில் விளையாடி 6 வெற்றிகளைப் பெற்றுள்ளது. பிளே ஆஃப் சுற்றுக்குத் தகுதி பெற இன்றையப் போட்டியில் வெற்றி பெற்றாக வேண்டும் என்ற கட்டாயத்தில் சிஎஸ்கே உள்ளது.