தில்லி அருண் ஜெட்லி திடலில் இன்று இரவு (ஏப்.13) தில்லி கேபிடஸ் உடன் மும்பை இந்தியன்ஸ் மோதவிருக்கிறது.

புள்ளிப் பட்டியலில் 9ஆவது இடத்தில் இருக்கும் மும்பை இந்தியன்ஸ் அணி வெற்றிபெறும் முனைப்பில் இருக்கிறது.

முதலிடத்தில் இருக்கும் தில்லி கேபிடல்ஸ் அணி அதை தக்க வைக்க முயற்சிக்கும்.

இந்நிலையில் இந்தப் போட்டி நடைபெறும் சமயத்தில் மழை குறுக்கீடு இருக்குமா என ரசிகர்கள் கவலையடைந்து வருகிறார்கள்.

ஏனெனில், இரண்டு நாள்களுக்கு முன்பாக தில்லியில் மழைபெய்தது. நேற்று தூசு புயலினால் தில்லி இந்திரா காந்தி சா்வதேச விமான நிலையத்தில் 450-க்கும் மேற்பட்ட விமானங்கள் தாமதமாகியதும் குறிப்பிடத்தக்கது.

மும்பை இந்தியன்ஸ் அணி நிர்வாகம் வெளியிட்ட விடியோவில் திடலில் பயங்கரமான காற்று வீசுவதை காண முடிகிறது.

போட்டி நடைபெறும்போது 30-33 டிகிரி செல்சியஸ் அளவில் வெப்பநிலையும் 28-39 சதவிகிதம் ஈரப்பதமும் இருக்குமென வானிலை அறிக்கைகள் தெரிவிக்கின்றன.

இதன்படி தில்லியில் போட்டி நடைபெறும்போது மழை வராது என்றே கணிக்கப்பட்டுள்ளது.