கடந்த 2 வாரங்களாக நடைபெற்று வந்த டோக்கியோ ஒலிம்பிக் போட்டிகள் ஞாயிற்றுக்கிழமை நிறைவடைந்தன.

டோக்கியோ ஒலிம்பிக்கில் ஒட்டுமொத்தமாக 39 தங்கப் பதக்கங்களை வென்றுள்ள அமெரிக்கா 41 வெள்ளி, 33 வெண்கலம் உள்பட மொத்தம் 113 பதக்கங்களை வென்று பதக்கப் பட்டியலில் முதலிடத்தைப் பிடித்துள்ளது.

38 தங்கப் பதக்கங்களை வென்றுள்ள சீனா 2-வது இடத்தில் உள்ளது. 1 தங்கம், 2 வெள்ளி, 4 வெண்கலம் என மொத்தம் 7 பதக்கங்களுடன் இந்தியா 48-வது இடத்தில் உள்ளது.

இதையும் படிக்க | 'ஒலிம்பிக்கில் அழுத்தத்தை உணரவில்லை': தங்கம் வென்ற நீரஜ் சொல்வதைக் கேளுங்கள் (விடியோ)

போட்டியை நடத்திய ஜப்பான் 27 தங்கப் பதக்கங்களுடன் 3-வது இடத்தைப் பிடித்துள்ளது.

ஒலிம்பிக்கின் கடைசி தங்கப் பதக்கத்தை செர்பியா ஞாயிற்றுக்கிழமை வென்றது.

போட்டிகள் நிறைவடைந்ததையடுத்து, நிறைவு விழா நடைபெறுகிறது. இந்தியா சார்பாக 10 அதிகாரிகள் நிறைவு விழாவில் பங்கேற்கின்றனர். வீரர்கள் பங்கேற்பதில் எவ்விதக் கட்டுப்பாடுகள் இல்லை.