சர்வதேச கால்பந்து தரவரிசையில் இந்திய அணி 4 இடங்கள் முன்னேறி 148-ஆவது இடத்தைப் பிடித்துள்ளது.
கடந்த 3-ஆம் தேதி மும்பையில் நடைபெற்ற பியூர்ட்டோ ரிகோவுக்கு எதிரான நட்பு ரீதியிலான கால்பந்து ஆட்டத்தில் 4-1 என்ற கோல் கணக்கில் வெற்றி கண்டதன் மூலம் தரவரிசையில் ஏற்றம் கண்டிருக்கிறது இந்திய அணி.
2015 ஏப்ரலுக்குப் பிறகு முதல்முறையாக தரவரிசையில் முதல் 150 இடங்களுக்குள் முன்னேறியிருக்கிறது இந்திய அணி. ஆசிய அளவிலான தரவரிசையில் இந்திய அணி 26-ஆவது இடத்தில் உள்ளது.
சர்வதேச தரவரிசையில் ஆர்ஜென்டீனா தொடர்ந்து முதலிடத்தில் உள்ளது. பெல்ஜியம், ஜெர்மனி, கொலம்பியா, பிரேசில் ஆகிய அணிகள் அடுத்த 4 இடங்களில் உள்ளன.