ஐசிசியின் டெஸ்ட் கிரிக்கெட் தரவரிசைப் பட்டியலில் பந்துவீச்சாளர்களுக்கான பிரிவில் இந்தியாவின் ரவீந்திர ஜடேஜா முதலிடத்தில் நீடிக்கிறார்.

ஆனால் ஆல்ரவுண்டர்களுக்கான பிரிவில் அவரைப் பின்னுக்குத் தள்ளி வங்கதேசத்தின் ஷாகிப் அல் ஹசன் முதலிடத்துக்கு முன்னேறியுள்ளார். ஜடேஜா இரண்டாம் இடத்தில் உள்ளார். 

பேட்ஸ்மேன்கள் பட்டியலில் இந்தியாவின் சேதேஷ்வர் புஜாரா 4-ஆவது இடத்திலும் கேப்டன் கோலி 5-ஆவது இடத்திலும் உள்ளார்கள். ஆஸ்திரேலிய கேப்டன் ஸ்டீவ் ஸ்மித் முதலிடத்திலும், இங்கிலாந்து கேப்டன் ஜோ ரூட் 2-ஆவது இடத்திலும் நியூசிலாந்து வீரர் வில்லியம்சன் மூன்றாவது இடத்திலும் உள்ளார்கள். ராகுல் 9வது இடத்துக்கும் ரஹானே 10-வது இடத்திலும் உள்ளார்கள்.

பந்துவீச்சாளர்கள் பட்டியலில், இந்தியாவின் மற்றொரு சுழற்பந்துவீச்சாளரான அஸ்வின் 3-ஆவது இடத்தில் நீடிக்கிறார்.