மேற்கு வங்க மாநிலம், கொல்கத்தாவில் நடைபெற்றுவரும் பிரேம்ஜித் லால் நினைவு டென்னிஸ் போட்டி இறுதிச்சுற்றில், போட்டித் தரவரிசையில் முதல் இடத்தில் இருக்கும் ராம்குமார் ராமநாதன், ஸ்ரீராம் பாலாஜியை எதிர்கொள்ள உள்ளார்.
வெள்ளிக்கிழமை நடைபெற்ற அரையிறுதியில், 6-3, 6-3 என்ற நேர் செட் கணக்கில், பிரசாந்த் விஜய் சுந்தரை வீழ்த்தினார் ராம்குமார்.
மற்றொரு அரையிறுதியில், 6-4, 7-5 என்ற செட் கணக்கில், சாகேத் மைனேனியை வீழ்த்தினார் ஸ்ரீராம் பாலாஜி.
போட்டித் தரவரிசையில் இரண்டாவது இடத்தில் இருக்கும் ஸ்ரீராம் பாலாஜியும், ராம்குமாரும் சனிக்கிழமை இறுதிப் போட்டியில் மோத உள்ளனர்.
மேற்கு வங்கத்தைச் சேர்ந்த இந்திய முன்னாள் டென்னிஸ் வீரர் பிரேம்ஜித் லாலின் நினைவாக இந்தப் போட்டி நடைபெறுகிறது.