பிபிஎல்: பெங்களூரு பிளாஸ்டர்ஸ் வெற்றி

பிரீமியர் பாட்மிண்டன் லீக் (பிபிஎல்) போட்டியில் வியாழக்கிழமை நடைபெற்ற ஆட்டத்தில் பெங்களூரு பிளாஸ்டர்ஸ் அணி 5-2 என்ற கணக்கில் தில்லியை வீழ்த்தியது.
இதில் பிரதான ஆட்டங்களில் ஒன்றான மகளிர் ஒற்றையர் பிரிவில் டெல்லியின் சங் ஜி ஹியூன் 15-10, 8-15, 15-5 என்ற செட் கணக்கில் கிறிஸ்டி கில்மோரை வென்றார். இதேபோல் ஆடவர் ஒற்றையர் பிரிவு பிரதான ஆட்டத்தில் பெங்களூரு வீரர் விக்டர் அக்ùஸல்சென் 15-11, 15-11 என்ற செட் கணக்கில் டெல்லியின் டியான் ஹெளவேயை வென்றார்.
ஆடவர் ஒற்றையர் பிரிவு மற்றொரு ஆட்டத்தில் பெங்களூரு பிளாஸ்டர்சின் சோங் வெய் ஃபெங் 10-15, 15-13, 15-8 என்ற செட் கணக்கில் டெல்லி டேஷர்ஸின் வோங் விங் கி வின்சென்டை வென்றார். இதேபோல் ஆடவர் இரட்டையர் பிரிவில் பெங்களூர் ஜோடியான மதியாஸ் போ-கிம் சா ராங் 15-9, 15-12 என்ற செட் கணக்கில் டெல்லி இணையான இவான் சோúஸானோவ்-விளாதிமீர் இவானோவை வென்றது.
கலப்பு இரட்டையர் பிரிவில் பெங்களூரு பிளாஸ்டர்ஸ் அணியின் கிம் சா ராங்-சிக்கி ரெட்டி ஜோடி 15-10, 12-15, 15-11 என்ற செட் கணக்கில் டெல்லி டேஷர்ஸ் அணியின் விளாதிமீர் இவானோவ்-அஸ்வினி பொன்னப்பா இணையை வென்றது.