டிராவிடைக் கவர்ந்த 17 வயது தமிழக கிரிக்கெட் வீரர்!

ராகுல் டிராவிட் பரிந்துரைத்த மும்பை இளைஞர் பிரிதி ஷா, இன்று ரஞ்சி கிரிக்கெட் வீரராகி அதிக கவனம் பெற்றுள்ளார். டிராவிடின் அடுத்தப் பரிந்துரை இளம் தமிழக வீரருக்குக் கிடைத்துள்ளது.

17 வயது பேட்ஸ்மேனான ராதாகிருஷ்ணன், இந்தியா U-19 அணிக்காக சமீபத்தில் விளையாடியவர். இவரைப் பற்றி தமிழ்நாடு கிரிக்கெட் சங்கத்திடம் மிகவும் உயர்வாகப் பேசியுள்ளார் ராகுல் டிராவிட். அதேபோல ஜூனியர் அணியின் தேர்வாளர் வெங்கடேஷ் பிரசாத்தும் ராதாகிருஷ்ணன் குறித்து சாதகமாப் பேசியதால் அவரை விஜய் ஹசாரே ஒருநாள் போட்டிக்கான தமிழக அணியில் சேர்த்துள்ளது தமிழ்நாடு கிரிக்கெட் சங்கம்.

டிராவிடின் பார்வையில் பட்டு, அடுத்தடுத்தக் கட்டங்களில் நகர்ந்த கிரிக்கெட் வீரர்களின் பட்டியலில் ராதாகிருஷ்ணனும் இடம்பிடிப்பாரா? பார்க்கலாம்.