ஹைதராபாத் அணிக்கு எதிரான ஐபிஎல் போட்டியில் புணே அணி 20 ஓவர்களில் 148 ரன்கள் எடுத்துள்ளது.

ஹைதராபாதில் இன்று நடைபெற்று வரும் ஐபிஎல் கிரிக்கெட் தொடரின் 44-வது லீக் ஆட்டத்தில் டாஸ் வென்ற ஹைதராபாத் அணி, பந்துவீச்சைத் தேர்வு செய்தது.

இன்றைய ஆட்டத்தில் ரசிகர்கள் மிகவும் எதிர்பார்த்த திரிபாதி 1 ரன்னில் ரன்அவுட் ஆகி வெளியேறினார். ரஹானே 22 ரன்களில் ஆட்டமிழந்தார். பிறகு ஸ்மித் - ஸ்டோக்ஸ் ஜோடி வேகமாக ரன்கள் எடுக்க முயற்சி செய்தது. ஸ்டோக்ஸ் 25 பந்துகளில் 3 சிக்ஸர்களுடன் 39 ரன்கள் எடுத்து வெளியேறினார். எதிர்பாராதவிதமாக அடுத்த ஓவரில் ஸ்மித் 34 ரன்களுக்கு ஆட்டமிழந்தார். அதே ஓவரில் கிறிஸ்டியன் 4 ரன்களில் வீழ்ந்தார். கடைசியில் அதிரடியாக ஆடிய தோனி 21 பந்துகளில் 31 ரன்கள் எடுத்தார்.

20 ஓவர்களில் புணே அணி, 8 விக்கெட் இழப்புக்கு 148 ரன்கள் எடுத்துள்ளது. ஹைதராபாத் தரப்பில் கெளல் 4 விக்கெட்டுகளை வீழ்த்தினார்.

புணே அணி இதுவரை 11 ஆட்டங்களில் விளையாடி 14 புள்ளிகளுடன் 3-ஆவது இடத்திலும், ஹைதராபாத் 11 ஆட்டங்களில் விளையாடி 13 புள்ளிகளுடன் 4-ஆவது இடத்திலும் உள்ளன. இவ்விரு அணிகளும் பிளே ஆப் சுற்றுக்கு முன்னேறும் முனைப்பில் இந்த ஆட்டத்தில் களம் காணுகின்றன.

இவ்விரு அணிகளும் இதுவரை 3 ஆட்டங்களில் நேருக்கு நேர் மோதியுள்ளன. அதில் புணே இரு வெற்றிகளையும், ஹைதராபாத் ஒரு வெற்றியையும் பெற்றுள்ளன.