டி20 கிரிக்கெட் போட்டியில் இதுவரை கிறிஸ் கெயில் மட்டும்தான் 500 சிக்ஸர்களுக்கும் அதிகமாக அடித்துள்ளார். இதுவரை மொத்தம் 772 சிக்ஸர்கள். 

இந்நிலையில், மேற்கிந்தியத் தீவுகள் அணியின் மற்றொரு வீரரான கிரோன் பொலார்ட், டி20 போட்டியில் 500 சிக்ஸர்கள் அடித்த 2-வது வீரர் என்கிற சாதனையைப் பெற்றுள்ளார்.

இன்று நடைபெற்ற பிபிஎல் போட்டியில் (பங்களாதேஷ் பிரீமியர் லீக்) டாக்கா டைனமைட்ஸ் - ராஜ்ஷஹி கிங்ஸ் ஆகிய அணிகள் மோதின. டாக்கா அணியில் இடம்பெற்ற பொலார்ட் 7-வதாகக் களமிறங்கி 25 பந்துகளில் 3 சிக்ஸர் 5 பவுண்டரிகளுடன் 52 ரன்கள் எடுத்து ஆட்டமிழக்காமல் இருந்தார். டாக்கா அணி 20 ஓவர்களில் 7 விக்கெட் இழப்புக்கு 201 ரன்கள் குவித்தது.

இன்றைய போட்டியில் மூன்று சிக்ஸர்கள் அடித்ததன் மூலம் டி20 போட்டியில் ஒட்டுமொத்தமாக 500 சிக்ஸர்கள் அடித்துள்ளார் பொலார்ட். 399 சிக்ஸர்களுடன் இவருக்கு அடுத்த இடத்தில் மெக்குல்லம் உள்ளார்.  

டி20 போட்டியில் அதிக சிக்ஸர்கள்

கெய்ல் 772
பொலார்ட் 500
மெக்குல்லம் 399
டி ஸ்மித் 347
வார்னர் 314