5-ஆவது சீசன் புரோ கபடி லீக் போட்டியின் 121-ஆவது ஆட்டத்தில் யு.பி.யோதா அணி 53-32 என்ற புள்ளிகள் கணக்கில் ஜெய்ப்பூர் பிங்க் பாந்தர்ஸ் அணியைத் தோற்கடித்தது.
ஜெய்ப்பூரில் வியாழக்கிழமை நடைபெற்ற இந்த ஆட்டத்தில் யு.பி.யோதா வீரர் ரிஷாங்க் 28 புள்ளிகளைக் கைப்பற்றி வரலாறு படைக்க, அந்த அணி 8-ஆவது வெற்றியைப் பெற்றது. 
தற்போதைய நிலையில் யு.பி.யோதா அணி "ஏ' பிரிவில் மூன்றாவது இடத்தில் உள்ளது. இதன்மூலம் அந்த அணி ஏறக்குறைய சூப்பர் பிளே ஆஃப் சுற்றுக்கு தகுதி பெற்றுவிட்டது. அதேநேரத்தில் ஜெய்ப்பூர் அணிக்கு இது 8-ஆவது தோல்வியாகும்.