காமன்வெல்த்: பாட்மிண்டன் இறுதிச்சுற்றில் மோதும் சாய்னா & சிந்து!

காமன்வெல்த் பாட்மிண்டன் போட்டியில் இந்தியாவின் சிந்து, சாய்னா நெவால் ஆகியோர் மகளிர் ஒற்றையர் பிரிவின் இறுதிச்சுற்றுக்கு முன்னேறியுள்ளார்கள்.

இன்று நடைபெற்ற அரையிறுதிகளில் சிந்து 21-18, 21-8 என்ற கணக்கில் கனடாவின் மிச்செல்லேவை வென்றார். சாய்னா 21-14 18-21 21-17 என்ற செட்களில் ஸ்காட்லாந்தின் கிறிஸ்டி கில்மரை வென்றார். இதையடுத்து இறுதிச்சுற்றில் சாய்னா - சிந்து மோதவுள்ளார். இதனால் பாட்மிண்டன் மகளிர் ஒற்றையர் பிரிவில் இந்தியாவுக்குத் தங்கமும் வெள்ளியும் உறுதியாகியுள்ளன.

ஆடவர் ஒற்றையர் பிரிவில் இந்தியாவின் ஸ்ரீகாந்த் இறுதிச்சுற்றுக்கு முன்னேறியுள்ளார். இங்கிலாந்தின் ராஜிவ்வை 21-10 21-17 என்ற நேர் செட்களில் தோற்கடித்து இறுதிச்சுற்றுக்கு முன்னேறினார். அவர், மலேசியாவின் லீ சோங்கை இறுதிச்சுற்றில் எதிர்கொள்ளவுள்ளார்.