பசிபிக் ஓபன் டென்னிஸ் போட்டியின் இறுதிச் சுற்றுக்கு ஜப்பானின் நவோமி ஒஸாகா தகுதி பெற்றுள்ளார்.
 டோக்கியோவில் நடைபெற்று வரும் இப்போட்டியின் அரையிறுதிச் சுற்று ஆட்டங்கள் சனிக்கிழமை நடைபெற்றன.
 இதில் அண்மையில் யுஎஸ் ஓபன் சாம்பியன் பட்டம் வென்ற நவோமி ஒஸாகா 6-2, 6-3 என்ற நேர் செட்களில் இத்தாலியின் கமிலா ஜியோர்ஜியை வீழ்த்தி இறுதிக்கு முன்னேறினார்.
 இது அவர் தொடர்ந்து வெல்லும் 10-ஆவது ஆட்டமாகும்.
 மற்றொரு அரையிறுதியில் உலகின் முன்னாள் முதல்நிலை வீராங்கனை செக். குடியரசின் கரோலினா பிளிஸ்கோவா 6-2, 4-6, 6-3 என்ற செட் கணக்கில் குரோஷியாவின் டொனா வேகிக்கை வென்று இறுதிக்கு முன்னேறினார்.
 டபிள்யுடிஏ தரவரிசைப பட்டியலில் தற்போது 7-ஆவது இடத்துக்கு முன்னேறியுள்ளார் ஒஸாகா.