ஐபிஎல் 2019 போட்டித் தொடரின் முதல் இரு வாரங்களுக்கான அட்டவணை செவ்வாய்கிழமை வெளியிடப்பட்டது. இக்காலகட்டத்தில் மொத்தம் 17 போட்டிகள் நடைபெறவுள்ளன. ஒவ்வொரு அணியும் தலா 4 போட்டிகளில் விளையாடுகிறது. டெல்லி டேர்டெவில்ஸ், ராயல் சேலஞ்சர்ஸ் பெங்களூரு மட்டும் 5 போட்டிகளில் பங்கேற்கிறது.

மார்ச் 23-ஆம் தேதி தொடங்கும் முதல் போட்டியில் நடப்பு சாம்பியன் சென்னை சூப்பர் கிங்ஸ் உடன் ராயல் சேலஞ்சர்ஸ் பெங்களூரு மோதுகிறது. 2019 நாடாளுமன்றத் தேர்தல் நடைபெறவுள்ள சூழலில் இந்த அட்டவணை மாறுதலுக்குட்பட்டது என்று தெரிவிக்கப்பட்டுள்ளது.