2021 ஐசிசி மகளிர் 50 ஓவர் உலகக் கோப்பை தொடர் ஜனவரி 30-ஆம் தேதி தொடங்கி நடைபெறுகிறது. 

2021 ஐசிசி மகளிர் 50 ஓவர் உலகக் கோப்பை போட்டி நியூஸிலாந்தில் ஜனவரி 30-ஆம் தேதி முதல் பிப்ரவரி 20-ஆம் தேதி வரை நடைபெறவுள்ளது. இறுதி, அரையிறுதி உள்பட மொத்தம் 31 ஆட்டங்கள் இதில் இடம்பெறும். 

2000-ஆம் ஆண்டுக்குப் பிறகு நியூஸிலாந்தில் மீண்டும் மகளிர் உலகக் கோப்பைத் தொடர் நடைபெறும் என்று நியூஸிலாந்து கிரிக்கெட் வாரியம் அறிவித்துள்ளது. 

இதில் தரவரிசையில் முதல் 4 இடங்களைப் பெற்றுள்ள அணிகள் உலகக் கோப்பை தொடருக்கு நேரடியாக தகுதி பெற்றுவிடும். அடுத்த 3 இடங்களில் உள்ள அணிகள் வங்கதேசம், அயர்லாந்து ஆகிய அணிகளுடன், ஆப்பிரிக்கா, அமெரிக்கா, ஆசியா, கிழக்கு ஆசிய பசிபிக் மற்றும் ஐரோப்பிய பகுதிகளைச் சேர்ந்த வெற்றிபெற்ற அணிகளுடன் தகுதிச் சுற்றுப் போட்டியில் மோதும். 

தற்போதைய தரவரிசையின் அடிப்படையில் ஆஸ்திரேலியா 22 புள்ளிகளுடன் முதலிடத்திலும், நடப்பு சாம்பியன் இங்கிலாந்து 22 புள்ளிகளுடன் 2-ஆம் இடத்திலும், இந்தியா 16 புள்ளிகளுடன் 3-ஆவது இடத்திலும், தென் ஆப்பிரிக்கா 16 புள்ளிகளுடன் 4-ஆம் இடத்திலும் உள்ளன.