டி20: பேட்டிங்கில் மீண்டும் சொதப்பிய இலங்கை அணி!

முதல் டி20 ஆட்டத்தில் 99 ரன்கள் மட்டும் எடுத்த இலங்கை அணி, 2-வது டி20 ஆட்டத்தில் 117 ரன்கள் மட்டுமே எடுத்துள்ளது.

பிரிஸ்பேனில் நடைபெற்று வரும் 2-வது டி20 ஆட்டத்தில் டாஸ் வென்ற இலங்கை அணி, பேட்டிங்கைத் தேர்வு செய்தது. ஆனால், அந்த அணி ஆஸி.யின் பந்துவீச்சை எதிர்கொள்ள முடியாமல் திணறியது. முதல் 10 ஓவர்களில் 4 விக்கெட் இழப்புக்கு 65 ரன்கள் மட்டுமே எடுத்தது. விக்கெட் கீப்பர் குசால் பெரேரா அதிகபட்சமாக 27 ரன்கள் எடுத்தார். இலங்கை அணி 19 ஓவர்களில் 117 ரன்களுக்கு அனைத்து விக்கெட்டுகளையும் இழந்தது. ஆஸி. அணியில் ஸ்டேன்லேக், கம்மின்ஸ், அகர், ஸாம்பா ஆகியோர் தலா 2 விக்கெட்டுகளை வீழ்த்தினார்கள். 

அடிலெய்டில் நடைபெற்ற முதல் டி20 ஆட்டத்தில் ஆஸ்திரேலிய அணி, 134 ரன்கள் வித்தியாசத்தில் வென்றது.