இங்கிலாந்து கிரிக்கெட் அணியின் நியூஸிலாந்துச் சுற்றுப்பயணத்துக்கான பந்துவீச்சு ஆலோசகராக முன்னாள் வீரர் டேரன் கோவ் நியமிக்கப்பட்டுள்ளார்.

இங்கிலாந்து அணி நியூஸிலாந்தில் 5 டி20, 2 டெஸ்ட் ஆட்டங்களில் விளையாடுகிறது. டெஸ்ட் தொடரில் விளையாடும் இங்கிலாந்துப் பந்துவீச்சாளர்களுக்கான ஆலோசகராக டேரன் கோவ் நியமிக்கப்பட்டுள்ளார்.

49 வயது டேரன் கோவ், இங்கிலாந்து அணிக்காக 58 டெஸ்டுகள், 159 ஒருநாள், 2 டி20 ஆட்டங்களில் விளையாடியுள்ளார். 2008-ல் ஓய்வு பெற்ற பிறகு இங்கிலாந்து வானொலி ஒன்றில் கிரிக்கெட் வர்ணனையாளராகப் பணியாற்றியுள்ளார். நியூஸிலாந்துத் தொடருக்குப் பிறகு இங்கிலாந்துப் பந்துவீச்சுப் பயிற்சியாளராக டேரன் கோவ் நியமிக்கப்படுவார் என்று எதிர்பார்க்கப்படுகிறது.