இங்கிலாந்துக்கு எதிரான டி20 தொடரில் விளையாடவுள்ள பாகிஸ்தான் அணி அறிவிக்கப்பட்டுள்ளது.

மேற்கிந்தியத் தீவுகள் அணிக்கு எதிரான டெஸ்ட் தொடரை 2-1 என வென்றது இங்கிலாந்து அணி. அடுத்ததாக பாகிஸ்தானுக்கு எதிரான டெஸ்ட் தொடரில் விளையாடி வருகிறது. பாகிஸ்தானுக்கு எதிரான முதல் டெஸ்டில் 3 விக்கெட் வித்தியாசத்தில் வென்றது இங்கிலாந்து அணி. 2-வது டெஸ்ட் டிரா ஆனது. 3-வது டெஸ்ட் செளதாம்ப்டனில் நடைபெறுகிறது.

இந்நிலையில் டெஸ்ட் தொடருக்கு அடுத்ததாக இரு அணிகளும் 3 ஆட்டங்கள் கொண்ட டி20 தொடரில் விளையாடவுள்ளன. இதற்கான பாகிஸ்தான் அணி அறிவிக்கப்பட்டுள்ளது. பாபர் அஸாம் கேப்டனாக உள்ளார். கடந்த வருடம் கேப்டன் பதவியை இழந்த பிறகு முதல்முறையாக பாகிஸ்தான் அணி டி20 அணியில் சர்ஃபராஸ் அகமது இடம்பெற்றுள்ளார். 

டி20 தொடர், ஆகஸ்ட் 28 முதல் நடைபெறவுள்ளது. மூன்று ஆட்டங்களும் மான்செஸ்டரில் நடைபெறவுள்ளது.

பாகிஸ்தான் அணி

பாபர் அஸாம் (கேப்டன்), ஃபகார் ஸமான், ஹைதர் அலி, ஹாரிஸ் ராஃப், இஃப்திகார் அகமது, இமாத் வாசிம், குஷ்தில் ஷா, முகமது ஹபீஸ், முகமது ஹஸ்னைன், முகமது ரிஸ்வான், முகமது அமிர், நசீம் ஷா, சர்ஃபராஸ் அகமது, ஷதாப் கான், ஷாஹீன் அப்ரிடி, சோயிப் மாலிக், வஹாப் ரியாஸ்.