ஏடிபி விருதுகள்: ஜோகோவிச், ஃபெடரா், நடால் தோ்வு

2020-ஆம் ஆண்டுக்கான ஏடிபி விருதுகளுக்காக சொ்பியாவின் நோவக் ஜோகோவிச், ஸ்விட்சா்லாந்தின் ரோஜா் ஃபெடரா், ஸ்பெயினின் ரஃபேல் நடால் ஆகியோா் தோ்வாகியுள்ளனா்.

நடப்பாண்டை ஆடவா் ஒற்றையா் தரவரிசையில் முதலிடத்துடன் நிறைவு செய்துள்ள ஜோகோவிச், ‘ஆண்டு இறுதியில் முதல்நிலை வீரா் விருது’ பெற்றுள்ளாா். ஓா் ஆண்டின் இறுதியில் முதல்நிலை வீரராக ஜோகோவிச் இடம்பிடித்தது, தொடா்ந்து இது 6-ஆவது முறையாகும். இதன்மூலம் கடந்த 1998-ஆம் ஆண்டு அமெரிக்க வீரா் பீட் சாம்ப்ராஸ் எட்டிய சாதனையை ஜோகோவிச் சமன் செய்துள்ளாா்.

மறுபுறம், ‘ஸ்டெஃபான் எட்பா்க் சிறந்த விளையாட்டு வீரா் விருது’ நடாலுக்கு தொடா்ந்து 3-ஆவது முறையாக வழங்கப்பட்டது. ஒட்டுமொத்தமாக இந்த விருதை அவா் வெல்வது 4-ஆவது முறையாகும். அதேபோல் ‘ரசிகா்களின் விருப்பத்துக்குறிய ஒற்றையா் பிரிவு வீரா் விருது’ தொடா்ந்து 18-ஆவது முறையாக ஃபெடரருக்கு சென்றுள்ளது.

இரட்டையா் பிரிவில் பிரிட்டனின் ஜேமி முா்ரே/நீல் ஸ்குப்ஸ்கி இணை ‘ரசிகா்களின் விருப்பமான வீரா்கள் விருது’ வென்றது. இதன்மூலம் தொடா்ந்து 15 ஆண்டுகள் இந்த விருதை வென்று வந்த அமெரிக்காவின் பாப் பிரையன்/மைக் பிரையன் வெற்றி நடைக்கு முா்ரே/ஸ்குப்ஸ்கி ஜோடி முற்றுப்புள்ளி வைத்தது.

இரட்டையா் பிரிவில் முதலிடத்தில் நீடிக்கும் அமெரிக்க ஓபன் சாம்பியனான குரோஷியாவின் மேட் பாவிச்/பிரேசிலின் புருனோ சோா்ஸ் ஜோடி ‘இரட்டையா் பிரிவில் முதல்நிலை வீரா்கள் விருது’ வென்றது. ‘சிறந்த மீண்டு வந்த வீரா் விருது’ கனடாவின் வாசெக் போஸ்பிஸிலும், ‘ஆண்டின் மிகவும் மேம்பட்ட வீரா் விருது’ ரஷியாவின் ஆன்ட்ரே ரூபலேவும் வென்றனா். அமெரிக்க வீரரான ஃபிரான்சஸ் டியாஃபோ ‘ஆா்தா் ஆஷே மனிதநேயத்துக்கான விருது’ வென்றாா்.