இந்திய டி20 அணியில் இடம்பெற்றுள்ள தமிழக வீரர் நடராஜன், அடுத்ததாக இந்திய ஒருநாள் அணியிலும் சேர்க்கப்பட்டுள்ளார்.

ஆஸ்திரேலியாவுக்குச் சுற்றுப்பயணம் மேற்கொண்டுள்ள இந்திய அணி, ஆஸ்திரேலியாவுடன் டெஸ்ட், ஒருநாள், டி20 தொடா்களில் விளையாடவுள்ளது. ஒருநாள் தொடர் இன்று முதல் தொடங்குகிறது. டிசம்பர் 4 முதல் டி20 தொடரும் டிசம்பர் 17 முதல் டெஸ்ட் தொடரும் தொடங்குகின்றன.

தமிழகச் சுழற்பந்துவீச்சாளர் வருண் சக்ரவர்த்தி காயம் காரணமாக இந்திய டி20 அணியிலிருந்து விலகினார். இதனால் மற்றொரு தமிழக வீரர் நடராஜன், டி20 அணியில் சேர்க்கப்பட்டார்.

இந்நிலையில் வேகப்பந்து வீச்சாளர் சைனிக்குக் காயம் ஏற்பட்டுள்ளதால் மாற்று ஏற்பாடாக நடராஜன் இந்திய ஒருநாள் அணியில் சேர்க்கப்பட்டுள்ளார். எனினும் ஆஸ்திரேலியாவுக்கு எதிரான முதல் ஒருநாள் ஆட்டத்தில் சைனி இடம்பெற்று விளையாடி வருகிறார்.