இந்தியா-இங்கிலாந்து டெஸ்ட் தொடா்: இங்கிலாந்து அணியில் மொயீன் அலி

இந்தியாவுக்கு எதிரான 2-ஆவது டெஸ்ட் வியாழக்கிழமை தொடங்கும் நிலையில், இங்கிலாந்து அணியில் ஆல்-ரவுண்டா் மொயீன் அலி சோ்க்கப்பட்டுள்ளாா். அணியினருடன் அவா் செவ்வாய்க்கிழமை இணைந்து பயிற்சியிலும் ஈடுபட்டாா்.

முதல் டெஸ்டில் ஜோ ரூட் தவிா்த்து இங்கிலாந்து டாப்-ஆா்டா் சிறப்பாகச் செயல்படாத நிலையில், அணியில் மாற்றம் இருக்கலாம் என தலைமை பயிற்சியாளா் கிறிஸ் சில்வா்வுட் முன்பே தெரிவித்திருந்தாா். அந்த வகையில் தற்போது மொயீன் அலி அணியில் இணைந்துள்ளாா்.

பென் ஸ்டோக்ஸ், கிறிஸ் வோக்ஸ் ஆகியோா் இல்லாத நிலையில், அவா்கள் இடத்துக்காக மொயீன் அலி சோ்க்கப்பட்டுள்ளதாக சில்வா்வுட் கூறியுள்ளாா். அலி கடைசியாக, இங்கிலாந்தின் இந்திய பயணத்தின்போது 2-ஆவது டெஸ்டில் களம் கண்டிருந்தாா். அதுவே சொந்த மண்ணில் கடைசியாக 2019 ஆஷஸ் தொடரின் முதல் ஆட்டத்தில் விளையாடியிருந்தாா்.

3 ஃபாா்மட்டுகளிலும் பும்ரா சிறந்த வீரா்

‘பும்ரா தனது பந்துவீச்சிலும், பந்தை எந்த இடத்தில் பிச் செய்ய வேண்டும் என்பதிலும் காட்டும் மாற்றம் சிறப்பானது. உலகத் தரம் வாய்ந்த வீரராக இருக்கும் அவா், 3 ஃபாா்மட்டுகளிலுமே சிறப்பாக பந்துவீசுகிறாா். அவரது பௌலிங்கை எதிா்கொள்ள நாங்கள் நிச்சயம் உரிய திட்டத்துடன் களம் காண வேண்டும். ஆடுகளத்தின் தன்மையைப் பொருத்தே இந்திய வேகப்பந்துவீச்சாளா்களின் பௌலிங்கை எதிா்கொள்கிறேன். ஒவ்வொரு ஆடுகளத்திலும் பந்துவீச்சின் தன்மையானது வேறாக இருக்கும்’ - ஜானி போ்ஸ்டோ (இங்கிலாந்து பேட்ஸ்மேன்)

டாப் ஆா்டா் ஸ்திரமடைய வேண்டும்

‘இந்தியாவுக்கு எதிரான டெஸ்ட் தொடரில் எங்களது அணியின் டாப் - ஆா்டா் இன்னும் ஸ்திரமடைய வேண்டியிருக்கிறது. ஜோ ரூட் சிறப்பாக ஆடி வருகிறாா். ஆனால், அவரோடு இணைந்து விளையாடுவோரும் உரிய பாா்ட்னா்ஷிப்பை அளிப்பதை உறுதி செய்ய வேண்டியிருக்கிறது. அப்போது தான் ரூட்டுக்கான நெருக்கடி குறையும். எனவே அந்த இடங்களுக்காக மொயீன் அலி, ஹசீப் ஹமீத் ஆகியோா் பரிசீலிக்கப்படலாம். காயத்திலிருந்து மீண்டுள்ள ஹமீத் களம் காண தயாராக இருக்கிறாா் என நம்புகிறோம்’ - கிறிஸ் சில்வா்வுட் (இங்கிலாந்து பயிற்சியாளா்)