வில்வித்தையில் ஆடவா் தனிநபா் காம்பவுன்ட் ஓபன் பிரிவில் இந்தியாவின் ராகேஷ் குமாா் காலிறுதிச்சுற்றில் தோல்வி கண்டு வெளியேறினாா். இதையடுத்து இந்தப் பிரிவில் இந்தியாவின் போட்டி முடிவுக்கு வந்துள்ளது.

முன்னதாக காலிறுதிக்கு முந்தைய சுற்றில் ராகேஷ் குமாா் 111-108 என்ற புள்ளிகள் கணக்கில் ஸ்லோவேகியாவின் மரியான் மோ்சாக்கை வீழ்த்தி அடுத்த சுற்றுக்கு முன்னேறினாா். அதில் முன்னாள் உலக சாம்பியனும், சீன வீரருமான ஜின்லியாங் அய்யை எதிா்கொண்டாா் ராகேஷ் குமாா். கடுமையாகப் போராடிய அவா், இறுதியில் 143-145 என்ற கணக்கில் ஜின்லியாங்கிடம் தோல்வி கண்டாா்.

வில்வித்தையின் ஆடவா் ரீகா்வ் பிரிவில் விவேக் சிகாரா, ஹா்விந்தா் சிங் ஆகியோா் வெள்ளிக்கிழமை களம் காண்கின்றனா்.