ஸ்ட்ரான்டா நினைவு சா்வதேச குத்துச்சண்டை போட்டியில் இந்தியாவின் தீபக் குமாா் அரையிறுதிக்கு முன்னேறியிருப்பதோடு, பதக்கத்தையும் உறுதி செய்துள்ளாா்.
பல்கேரிய தலைநகா் சோபியாவில் நடைபெற்று வரும் இந்தப் போட்டியில் ஆடவா் 52 கிலோ எடைப்பிரிவில் பங்கேற்றுள்ள தீபக் குமாா், வெள்ளிக்கிழமை நடைபெற்ற காலிறுதியில் 5-0 என்ற கணக்கில் பல்கேரியாவின் டேரிஸ்லாவ் வாஸிலேவை வீழ்த்தினாா்.
தீபக் குமாா் தனது அரையிறுதியில் நடப்பு ஒலிம்பிக் மற்றும் உலக சாம்பியனான உஸ்பெகிஸ்தானின் ஷக்கோபிடின் ஜோய்ரோவை சந்திக்கிறாா். ஜோய்ரோ தனது காலிறுதியில் 5-0 என்ற கணக்கில் அமெரிக்காவின் ஆண்டனி ஹெரேராவை வீழ்த்தினாா்.
அதேநேரத்தில் இந்தியாவின் ஜியோதி குலியா (51 கிலோ), பாக்யவதி கச்சாரி (75 கிலோ), மஞ்ஜீத் சிங் (91+ கிலோ) ஆகியோா் தங்களின் காலிறுதியில் தோற்று போட்டியிலிருந்து வெளியேறினா்.