கேப்டன் ஃபிஞ்ச் மீண்டும் அபாரமாக விளையாடி நியூசிலாந்துக்கு எதிரான 4-வது டி20 ஆட்டத்தில் ஆஸ்திரேலிய அணி வெற்றி பெற பெரிதும் உதவியுள்ளார். இதனால் 5 ஆட்டங்கள் கொண்ட டி20 தொடர் 2-2 எனத் தற்போது சமனில் உள்ளது.

வெலிங்டனில் நடைபெற்ற 4-வது டி20 ஆட்டத்தில் முதலில் விளையாடிய ஆஸ்திரேலிய அணி, 20 ஓவர்களில் 6 விக்கெட் இழப்புக்கு 156 ரன்கள் எடுத்தது. கேப்டன் ஃபிஞ்ச், 55 பந்துகளில் 4 சிக்ஸர்கள், 5 பவுண்டரிகளுடன் 79 ரன்கள் எடுத்து ஆட்டமிழக்காமல் இருந்தார். ஜேமிசன் வீசிய கடைசி ஓவரில் 4 சிக்ஸர்களுடன் 26 ரன்கள் எடுத்து அசத்தினார். 

இதன்பிறகு விளையாடிய நியூசிலாந்து அணி, 20 ஓவர்களில் 6 விக்கெட் இழப்புக்கு 106 ரன்கள் மட்டும் எடுத்து 50 ரன்கள் வித்தியாசத்தில் தோல்வியடைந்தது. கைல் ஜேமிசன் அதிகபட்சமாக 30 ரன்கள் எடுத்தார். கேன் ரிச்சர்ட்சன் 3 விக்கெட்டுகளும் அகர், ஸாம்பா, மேக்ஸ்வெல் தலா 2 விக்கெட்டுகளும் எடுத்தார்கள். 

இந்த வெற்றியினால் டி20 தொடரை 2-2 என சமன் செய்துள்ளது ஆஸ்திரேலியா. கடைசி டி20 ஆட்டம் ஞாயிறன்று நடைபெறவுள்ளது.