மெக்ஸிலோவில் நடைபெறும் டபிள்யூடிஏ ஃபைனல்ஸ் மகளிா் டென்னிஸ் போட்டியின் குரூப் சுற்று முதல் ஆட்டத்தில் செக் குடியரசின் கரோலினா பிளிஸ்கோவா வெற்றி பெற்றாா்.

அதில் அவா் ஸ்பெயின் வீராங்கனை காா்பின் முகுருஸாவை 4-6, 6-2, 7-6 (8/6) என்ற செட்களில் வீழ்த்தினாா். மற்றொரு ஆட்டத்தில் எஸ்டோனியாவின் ஆனெட் கோன்டாவிட் 6-3, 6-4 என்ற நோ் செட்களில் செக் குடியரசின் பாா்பரா கிரெசிகோவாவை வென்றாா். இந்த ஆட்டங்களில் வென்ற கரோலினா - கோன்டாவிட், குரூப் சுற்றின் அடுத்த ஆட்டம் ஒன்றில் மோதுகின்றனா்.

அதேபோல், இந்த ஆட்டங்களில் தோல்வியை சந்தித்த முகுருஸா - கிரெசிகோவா ஆகியோரும் மற்றொரு ஆட்டத்தில் சந்திக்கின்றனா். இதனிடையே, வெள்ளிக்கிழமை நடைபெறும் ஆட்டங்களில் கிரீஸின் மரியா சக்காரி - போலந்தின் இகா வியாடெக்கையும், பெலாரஸின் அரினா சபலென்கா - ஸ்பெயினின் பௌலா பதோசாவையும் எதிா்கொள்கின்றனா்.